క్యాన్స‌ర్ అంటే చాలా మందికి భ‌యం. దీనికి మందు లేద‌ని, ఇది వ‌స్తే చనిపోవ‌టం ఖాయం అనీ అనుకొంటారు. కానీ ఇది అపోహ. క్యాన్స‌ర్ అనేది ప్ర‌మాద‌క‌రం అనటంలో సందేహం లేదు. క్యాన్స‌ర్ ముదిరిపోతే కాపాడటం క‌ష్టం అనేది అంతే వాస్త‌వం. అయితే ఆధునిక వైద్య ప‌రిశోధ‌న‌ల పుణ్య‌మా అని క్యాన్స‌ర్ పై ప‌రిశోధ‌న‌లు బాగా పెరిగాయి. దీంతో చాలా వ‌ర‌కు క్యాన్స‌ర్ కేసుల్లో చికిత్స‌లు సాధ్యం అవుతున్నాయి. మ‌రీ ముదిరిపోయినా కూడా చికిత్స‌ల‌తో నాణ్య‌మైన శేష జీవితాన్ని అందించేందుకు వీల‌వుతోంది. .
ఆహార ప‌దార్ధాల్లో కొన్నింటికి క్యాన్స‌ర్ కు అడ్డుక‌ట్ట వేసే సామ‌ర్థ్యం ఉంటుంది. వీటిలో ప్ర‌ధాన‌మైన‌ది వెల్లుల్లి. చాలా మంది వెల్లుల్లిని దాని ఘాటైన వాస‌న కార‌ణంగా ఇష్ట ప‌డ‌రు. కానీ ఈ వెల్లుల్లి చేసే మేలు అంతా ఇంతా కాదు. దీంట్లో ఉండే ఎల‌నిన్ అనే ఎంజైమ్ క్యాన్స‌ర్ రాకుండా నివారిస్తుంది. శ‌రీరంలో అవాంఛిత క‌ణ‌జాలం పేరుకొనిపోయి స‌జీవ కణజాలాన్ని నాశ‌నం చేయట‌మే క్యాన్స‌ర్ అన్న సంగ‌తి మ‌న‌కు తెలుసు. ఈ విధ‌మైన అవాంచిత క‌ణ‌జాలం విస్త‌రించ‌టాన్ని ఈ ఎల‌నిన్ నిరోధిస్తుంది. ఇంత‌టి మ‌హ‌త్త‌ర‌మైన ర‌సాయ‌నం వేరే ఆహార ప‌దార్థాల్లో దొర‌క‌దు. అందుచేత ప‌చ్చి వెల్లుల్లిని తింటే క్యాన్స‌ర్ కు కాస్త దూరం జ‌ర‌గ‌వ‌చ్చు. అంతే కాదండోయ్‌, ర‌క్తాన్ని శుద్ధి చేయ‌టంలోనూ కీల‌క‌పాత్ర పోషిస్తుంది.
No comments:
Post a Comment